Drama ddirdynnol gan Dewi Wyn Williams am dad a mab yn cyfarfod am y tro cyntaf mewn 30 mlynedd. Nid yw’n gyfarfyddiad hawdd … na chwbl bleserus. Mae cyfrinachau wedi eu claddu’n ddwfn a gwirioneddau anghyfforddus yn cuddio yng nghilfachau’r cof. Wrth i gymylau duon eu gorffennol gilio’n raddol, cawn olwg ar un o gwestiynau mawr y ddynoliaeth, sef ai magwraeth neu gynefin sydd wrth wraidd cymeriad dyn.