Ar Amrantiad

Dyma gasgliad o saith stori fer amrywiol a chywrain gan awduron newydd a phrofiadol. O godi gobeithion at y dyfodol drwy atgyfodi hen theatr, i ystyried lle’r unigolyn o fewn cymdeithas sy’n newid o hyd, i’r clymau amrywiol sy’n gweu drwy gyfansoddiad pob un ohonom, mae straeon Ar Amrantiad yn rhoi cipolygon cyfoethog ar yr hyn sy’n ein gwneud yn bobl. Straeon gan Lois Roberts, Francesca Sciarrillo, Lleucu Non, Jon Gower, Siân Melangell Dafydd, Fflur Dafydd a Gareth Evans-Jones. Mae tair o’r straeon gan fuddugwyr Cystadleuaeth Stori Fer Sebra ar gyfer awduron newydd. Rhagair gan y golygydd a beirniad y gystadleuaeth, Gareth Evans-Jones.