Cyfoeth o adnoddau dwyieithog i danio brwdfrydedd a chariad at addysgu a dysgu.
Cwricwlwm i Gymru
Rydyn ni’n ymroddedig i sicrhau bod dysgwyr yn datblygu’n unigolion sy’n mwynhau ac yn frwdfrydig dros ddysgu a bod ein hadnoddau’n ysgogi, cefnogi a chynnal addysgwyr i gefnogi dysgwyr i fod yn:
- ddysgwyr uchelgeisiol, galluog sy’n barod i ddysgu gydol eu bywydau
- cyfranwyr mentrus, creadigol sy’n barod i chwarae rhan lawn mewn bywyd a gwaith
- dinasyddion egwyddorol, gwybodus yng Nghymru a’r byd
- unigolion iach, hyderus sy’n barod i fyw bywyd cyflawn fel aelodau gwerthfawr o gymdeithas
Pwrpas 6 logo unigryw Atebol ar gyfer Meysydd Dysgu a Phrofiad y Cwricwlwm i Gymru yw hwyluso gwaith cynllunio’r ymarferwyr a sicrhau ein bod yn bodloni anghenion pob dysgwr. Mae’r logos yma’n cael eu harddangos a’u defnyddio ar ein hadnoddau addysgol.
Y Dyniaethau
Iechyd a Lles
Y Celfyddydau Mynegiannol
Mathemateg a Rhifedd
Ieithoedd, Llythrennedd a Chyfathrebu
Gwyddoniaeth a Thechnoleg
Fideos
Amser Stori
Mae gennym lu o fideos difyr sy’n rhannu fersiynau llafar unigryw o straeon poblogaidd Atebol, sy’n rhoi digonedd o gyfleoedd i blant y Cyfnod Sylfaen a thu hwnt fwynhau straeon yn Gymraeg. Gall dysgwyr wrando’n annibynnol yn yr ysgol neu yn y cartref gyda’u teulu. Mae’n adnodd arbennig i ddatblygu ymwybyddiaeth o eirfa Gymraeg. Mae rhywbeth at ddant pawb!
Adnoddau
Adnoddau Addysgol Atebol
Adnoddau Addysgol ar eu Gorau
Prif nod ein hadnoddau addysgol ydy sicrhau eu bod yn ymateb i’r galw ac yn gyfrwng i wella sgiliau sylfaenol yn ogystal â bod yn gyfrwng i ddeall a dysgu mwy am feysydd dysgu a phynciau newydd. Mae yma amrywiaeth eang o adnoddau amlgyfrwng. Adnoddau sy’n addas ar gyfer pob oedran a gallu a hynny yn y Gymraeg neu’r Saesneg. Dyma ddarpariaeth sy’n cynnig adnoddau ar gyfer y rhai sy’n dysgu’r Gymraeg fel mamiaith neu’r rhai sy’n dysgu’r Gymraeg fel iaith ychwanegol yn ogystal â darpariaeth ar gyfer y rhai sydd ag Anghenion Addysgol Ychwanegol.
Ar Gyfer yr Ysgol neu’r Cartref
Mae’n werth edrych ar ein gwefan i edrych ar yr amrywiaeth eang o adnoddau addysgol sydd ar gael ar eich cyfer. Mae cymaint ar gael ar gyfer plant, pobl ifanc ac oedolion -boed hynny’n llyfrau ffeithiol neu lyfrau ffuglen, yn llyfr adolygu neu’n werslyfr ar gyfer astudiaethau uwch mewn Busnes, Cyfrifiadureg neu Iechyd a Gofal Cymdeithasol. Cofiwch fod adnoddau ar gael ar gyfer dysgwyr sydd am feistroli’r sgiliau sylfaenol mewn llythrennedd a rhifedd. Adnoddau hefyd ar gael ar gyfer dysgwyr Camau Cynnydd 1 – 5.
Os nad oes adnodd ar gyfer yr hyn rydych chi’n chwilio amdano yna cysylltwch â ni. Fe fyddwn ni’n falch iawn i geisio helpu i weld beth sydd ar gael ar eich cyfer.
Ewch i’r Siop i weld beth sydd ar gael!
Gofynion Ychwanegol
Anghenion Dysgu Ychwanegol
Mae gennym amrywiaeth o adnoddau ar gyfer dysgwyr sydd ag anghenion addysgol ychwanegol.
Mae’r ddarpariaeth yn cynnwys adnoddau amlgyfrwng ar gyfer dysgu sgiliau sylfaenol llythrennedd a rhifedd yn ogystal ag adnoddau ar gyfer dyslecsia, awtistiaeth a Syndrom Asperger.
Cofiwch gysylltu â ni am sgwrs – rydyn ni yma i helpu!
Sgiliau Cymdeithasol
Rydyn ni wedi datblygu cyfres o apiau sy’n cefnogi ac yn datblygu sgiliau cymdeithasol dysgwyr ag awtistiaeth, gan gynnwys Syndrom Asperger. Cliciwch yma i archwilio’r amrywiaeth eang o sefyllfaoedd bywyd bob dydd fel ateb y ffôn a sut i ofyn am help yn y dosbarth.
Dyslecsia
Er mwyn helpu pob dysgwr i ddatblygu cariad at ddarllen, mae’r adnodd ‘O Gam i Gam’ yn cyflwyno’r Gymraeg i ddysgwyr dyslecsig ac i eraill sydd ag anawsterau darllen a sillafu.
Datblygwyd y gyfres boblogaidd ‘Ar Bigau’ yn benodol ar gyfer darllenwyr yn eu harddegau ac mae’n cyflwyno themâu cyfoes i ennyn diddordeb pob darllenwr ifanc.
Braille
Rydyn ni’n hynod gyffrous i gyhoeddi fersiwn braille o’r ‘Saith Selog’ (addasiad o gyfres ‘Secret Seven’ Enid Blyton). Dyma gyfle gwych i ddysgwyr dall neu sydd â nam ar eu golwg fwynhau a phrofi llenyddiaeth Gymraeg. Enillon ni’r wobr gyntaf hefyd gan RNIB ar y llwyfan rhyngwladol yn Efrog Newydd, am lyfr sain o un o deitlau David Walliams yn Gymraeg.
Adnoddau am Ddim
Adnoddau am Ddim
Mae’n werth edrych ar yr adnoddau sydd ar gael am ddim ar draws y chwe Maes Dysgu a Phrofiad. Mae’r adnoddau’n cynnwys adnoddau amlgyfrwng gan gynnwys apiau, gweithgareddau sy’n cyd-fynd â llyfrau stori poblogaidd yn ogystal ag adnoddau ar gyfer astudiaethau uwch sy’n addas er enghraifft ar gyfer Ieithoedd Modern Tramor a’r Gymraeg.
Gallwch ddewis a dethol adnoddau a’u rhannu â dysgwyr boed hynny mewn lleoliad addysgol neu yn y cartref. Mae pob adnodd yma am ddim ac yn addas ar gyfer ar gyfer pob oedran a gallu.
Adnoddau Dwyieithog
Casgliad o Adnoddau ar Wefan Hwb
Mae’n werth edrych ar y casgliad o adnoddau dwyieithog gwerthfawr Atebol sydd ar wefan Hwb. Mae’r wefan hon yn rhannu’r adnoddau diweddaraf ar gyfer dysgu ac addysgu yng Nghymru. Mae’r adnoddau, y rhestri chwarae, y lluniau a’r clipiau fideo yn addas ar gyfer y sector cynradd ac uwchradd.
Cymorth
Hyfforddiant a Chefnogaeth
Rydyn ni hefyd yn cynnig gwasanaeth pwrpasol i gefnogi addysgwyr a hyfforddwyr proffesiynol er mwyn sicrhau’r defnydd gorau posibl o’n hadnoddau addysgol.
Ydych chi’n barod i rannu eich straeon gydag un o’r cyhoeddwyr amlgyfrwng uchaf eu parch yng Nghymru?
Cysylltwch â ni i drefnu sgwrs
Cysylltwch!
