Dyma’r ddrama olaf i Siôn Eirian ysgrifennu ac roedd am ei chyflwyno yn 2021, gan ei bod yn cyffwrdd â sefydlu Gwersyll Heddwch Comin Greenham, 40 mlynedd yn ôl gan griw o ferched o Dde Cymru.

Mae tair cenhedlaeth y ddrama gyfoes, dreiddgar hon, yn cael trafferth i gyfathrebu â’i gilydd, ond wrth iddynt or-gyffwrdd ar adegau gwelwn y cariad angerddol sy’n eu clymu â’i gilydd, a gallu dynoliaeth i ymdopi hyd yn oed â’r sefyllfaoedd mwyaf trasig.