Chwedlau’r Copa Coch: Yr Horwth
£7.99
“Yng nghysgodion yr ogof roedd yr Horwth yn cuddio.”
Mae bwystfil yn bygwth y wlad. Creadur yn syth o ganol hunllef. Yr Horwth.
Yr unig rai a all ei drechu yw criw bach o anturiaethwyr annisgwyl. Trwy borthladdoedd anhrefnus a choedwigoedd gwyllt, dros glogwyni serth ac ar hyd twneli wedi eu hen anghofio, mae’r llwybr yn arwain at y Copa Coch – mynydd sy’n taflu cysgod brawychus dros y tir … ac mae ei gyfrinachau mwyaf o dan yr wyneb, yn aros i’r teithwyr eu datgelu.
Dyma’r nofel gyntaf mewn cyfres ffantasi newydd i bobl ifanc – ac i unrhyw un hŷn sy’n hoff o antur.
“Y cyntaf mewn cyfres o lyfrau ffantasi wedi’u hanelu at bobol ifanc, mae’r llyfr hwn yn cyfuno cynnwrf, antur a hiwmor a bydd yn anodd rhoi’r llyfr I lawr o’r frawddeg gyntaf. Mae’r darluniau yn rhan yr un mor bwysig o’r stori â’r testun.”
WELSH BOOKS FOR YOUNG PEOPLE – THE BEST OF 2019
Wales Arts Review
Dyma’r Horwth yn cael sylw yn narllediad Heno S4C yn ‘Sioe Diwrnod y Llyfr’!
Gwrandewch ar ragflas o’r llyfr isod:
• Llyfr wedi ei ddatblygu ar y cyd rhwng Elidir Jones a Huw Aaron
• 40+ o luniau du a gwyn gan Huw Aaron
• Perffaith i’r rheiny sy’n mwynhau darllen The Edge Chronicles (Paul Stewart / Chris Riddell) neu’r gyfres Redwall (Brian Jacques), neu sy’n hoff o drysor, bwystfilod ac antur.
ELIDIR JONES
Awdur a sgriptiwr o Fangor yw Elidir Jones. Cafodd ei nofel gyntaf, Y Porthwll, ei chyhoeddi yn 2015. Ymhlith ei waith teledu y mae Ddoe am Ddeg, Arfordir Cymru, a Cynefin. Ers 2004, mae’n chwarae’r gitâr fas i’r band Plant Duw, ac mae’n un o sylfaenwyr y wefan fideowyth.com. Erbyn hyn mae’n byw yng Nghaerdydd gyda’i wraig a’i gi mewn tŷ llawn llyfrau.
HUW AARON
Mae Huw Aaron yn gartwnydd ac yn ddarlunydd o Gaerdydd. Gellir gweld ei waith mewn nifer fawr o lyfrau i blant. Mae hefyd yn cyfrannu’n rheolaidd at gylchgrawn Mellten, Private Eye, The Oldie a The Spectator.
Gwybodaeth Ychwanegol
| Age | Ages 12+ |
|---|---|
| Language | Welsh |
| Cyhoeddwr | Atebol |
You must be logged in to post a review.
Adolygiadau
Nid oes unrhyw adolygiadau eto.